Poslovne vesti - Makedonija

Турските фирми ќе инвестираат во Македонија

Почесниот конзулат на Турција во Охрид е куќа на сите охриѓани и државјани на Македонија исто како што и секое катче во Турција е на сите охриѓани и државјани на Македонија, рече во Охрид, турскиот Министер за надворешни работи Ахмет Давутоглу.

Тоа само по себе претставува нова динамика во развојот на и онака добрите односи меѓу двете држави, но и во сферата на економијата, при што тука го посочи интензивирањето на турските инвестиции во Македонија.

„Доаѓањето на ТАВ, сам по себе како фирма е едно посебно отварање на Турција и ТАВ и едно значење кое му се придава на Охрид. Ќе ги поттикнуваме од денес па натаму уште повеќе и посилно да инвестираат, да доаѓаат, особено во Охрид да инвестираат“, изјави Ахмет Давутоглу, Министер за надворешни работи.